Bíómynd um ævi Harrys

Samkvæmt tímaritinu The Daily Mail stendur til að gera kvikmynd um ævi Harrys Bretaprins. Leikstjórinn Peter Kosminsky vinnur að handriti myndarinnar sem mun bera heitið The Spare og munu tökur hefjast innan árs. „Ég finn til með Harry. Foreldrar hans skilja á mjög opinberan hátt, móðir hans deyr á sérstaklega dramatískan hátt og í kringum dauða hennar er einnig mikið fjölmiðlafár.

Bróðir hans mun taka við krúnunni en Harry spilar í raun enga ákveðna rullu, hann er bæði erfingi og ofaukið,“ sagði leikstjórinn í viðtali við tímaritið.