Nýr aðstoðarmaður iðnaðarráðherra

Arnar Guðmundsson hefur verið ráðinn aðstoðarmaður Katrínar Júlíusdóttur iðnaðarráðherra. Arnar hefur starfað í Hagfræðideild Landsbankans,

hjá Fjárfestingarstofunni og Útflutningsráði Íslands, Aflvaka hf. atvinnuþróunarfélagi Reykjavíkur og sem upplýsingafulltrúi, ritstjóri og blaðamaður, m.a. hjá Alþýðusambandi Íslands.

Arnar er 43 ára og er með meistaragráðu í menningarfræðum frá Birmingham háskóla 1994 og BA í fjölmiðlafræði og bókmenntum frá HÍ 1990. Arnar er í sambúð með Guðrúnu Katrínu Bryndísardóttur og eiga þau tvær dætur.

Þetta kemur fram í tilkynningu frá Iðnaðarráðuneytinu.