Rooney orðinn pabbi - barnið fæddist í Liverpool

Wayne og Coleen Rooney urðu foreldrar í dag þegar þeim fæddist lítill drengur sem hefur verið nefndur Kai Wayne. Coleen átti drenginn á kvennasjúkrahúsinu í Liverpool.

Rooney missti af æfingu Man. Utd í dag og var óttast að hann myndi ekki geta spilað með liðinu í Meistaradeildinni á morgun.

Tíðindin gleðja því klárlega stjóra liðsins, Sir Alex Ferguson, þar sem Rooney mun væntanlega spila leikinn gegn CSKA Moskva.

Coleen var bókuð fyrir níu dögum síðan. Samkvæmt talsmanni þeirra hjóna heilsast bæði móður og barni vel.