Miðbærinn fegraður í sjálfboðavinnu

Búið er að stofna samtök sjálfboðaliða sem vilja leggja sitt af mörkum til að fegra miðborgina. Andri Ólafsson hitti tvo sjálfboðaliða sem voru að klára prófin en buðu sig fram til að mála í góða veðrinu í dag.

Í góða veðrinu í dag mátti finna galvaskan hóp að störfum. Þetta eru sjálfboðaliðar frá samtökunum Vaktin sem hefur það að markmiði að fegra miðborgina. Það gerir hópurinn meðal annars með því að mála hús í slæmu ásigkomulagi, týna upp rusl, hreinsa til og mála yfir veggjakrot. Og það getur hver sem er tekið þátt. Vaktin skaffar málninguna og fæði handa þeim sem láta hendur standa fram úr ermum.

Þeir sem vilja taka þátt í þessu skemmtilega verkefni geta skráð sig á Facebook síðu hópsins eða á vaktin.org.