Innlent

78 ár á milli elsta og yngsta þingfulltrúa

Vilhjálmur Hjálmarsson sat á þingi 1949 til 1956, aftur árið 1959 og því næst frá 1697 til 1979. Hann var menntamálaráðherra á árunum 1974 til 1978.
Vilhjálmur Hjálmarsson sat á þingi 1949 til 1956, aftur árið 1959 og því næst frá 1697 til 1979. Hann var menntamálaráðherra á árunum 1974 til 1978.

Flokksþing framsóknarmanna verður haldið um næstu helgi í Valsheimilinu að Hlíðarenda við Öskjuhlíð í Reykjavík. Þar verður tekist á stefnu flokksins í Evrópumálum og ný forysta kjörin. 78 ár eru á milli elsta þingfulltrúans og þess yngsta sem verður 17 ára í mars næstkomandi. Elsti þingfulltrúinn er Vilhjálmur Hjálmarsson, fyrrverandi ráðherra, frá Mjóafirði sem verður 95 ára í september.

Alls eiga 962 fulltrúar rétt til setu á þinginu af tæplega 12.000 félagsmönnum í flokknum. Þingfulltrúarnir tilheyra 83 félögum innan flokksins frá öllu landinu.

Það er ljóst að flokksþingið verður vettvangur mikilla breytinga þar sem flest bendir til talsverðra breytinga á stefnu flokksins, auk þess sem ljóst er að nýir einstaklingar verða í það minnsta kosti kosnir í stöðu formanns og varaformanns flokksins.




Tengdar fréttir

Forræði yfir auðlindum - aðildarviðræður við ESB

Lagt er til að Ísland sæki um aðild að Evrópusambandinu í ályktunardrögum sem verða lögð fyrir flokksþing Framsóknarflokksins sem hefst á föstudaginn. Einnig eru sett fram markmið í aðildarviðræðum í drögunum og eru fullveldi og óskorað forræði Íslendinga yfir auðlindum þjóðarinnar grundvallarkrafa í þeim viðræðum.

Mest lesið


Fleiri fréttir

Sjá meira


×

Mest lesið