Gunnar tjáir sig ekki um niðurstöðu biskups

Séra Gunnar Björnsson tjáir sig ekki um þá niðurstöðu biskups að framlengja leyfi hans til 1. ágúst næstomandi. „Blessaður vinur og gleðilega hátíð. Ég er ekki í aðstöðu til að tala," sagði Gunnar þegar fréttastofa reyndi að ná tali af honum í dag. Að því búnu rauf hann símtalið.

Það hefur gustað um Gunnar að undanförnu. Hann var ákærður fyrir kynferðisbrot gagnvart ungum stúlkum sem eru sóknarbörn á Selfossi og fór í leyfi á meðan málið var fyrir dómi. Gunnar var sýknaður af ákærunni en deilt hefur verið um hvort réttlætanlegt sé að hann komi aftur til starfa.