Kæru Office 1 var vísað frá

Kæru Samtaka verslunar- og þjónustu fyrir hönd Office 1 gegn Ríkiskaupum hefur verið vísað frá kærunefnd útboðsmála.

Kjartan Örn Siguðsson, forstjóri Office 1, taldi Ríkiskaup hafa brotið á fyrirtækinu með því að framselja rammasamning sem gerður var við Pennann og A4 í febrúar í fyrra til arftaka þessara tveggja fyrirtækja. Nýju fyrirtækin eru bæði í eigu banka.

Kærunefndin segir valdsvið sitt ekki ná til að úrskurða um nokkuð það er varði framkvæmd samninganna eftir að þeir höfðu formlega komist á. Þess vegna sé málinu vísað frá. - gar