Leggja niður móðurmálskennslu fyrir pólsk börn

Fræðsluráð Reykjanesbæjar vill hætta móðurmálskennslu á pólsku fyrir pólska nemendur í grunnskólum bæjarins. Þetta var tekið fyrir á fundi fræðsluráðs þann 11. maí síðastliðinn.

Fræðsluráð sagðist fylgjandi tillögunni sem var upprunalega lögð fram á fundi skólastjórnenda.

Samkvæmt fréttavef VF þá eru ríflega 900 Pólverjar sem voru búsettir í Reykjanesbæ um síðustu áramót og hafa börnin notið móðurmálskennslu á pólsku í skólanum.

Sveindís Valdimarsdóttir, bæjarfulltrúi A-lista, spurði hvort lagalega væri heimilt að fella þessa kennslu niður.

Þá sagði Garðar Vilhjálmsson, bæjarfulltrúi Sjálfstæðismanna og formaður Fræðsluráðs við vf.is, að ekki væru í gildi sérstök lög sem leggðu þær skyldur á herðar bæjarfélagsins að sjá erlendum börnum fyrir kennslu í þeirra móðurmáli.

Ef svo væri þyrfti bæjarfélagið að halda úti móðurmálskennslu á yfir 30 mismunandi tungumálum. Slík væri óframkvæmanlegt vegna mikils kostnaðar.