Dyraverðir grunaðir um nauðgun

Mennirnir tveir sem handteknir voru um helgina grunaðir um að hafa nauðgað nítján ára stúlku við Tryggvagötu um helgina, starfa báðir sem dyraverðir. Samkvæmt heimildum Vísis störfuðu þeir á sitthvorum skemmtistaðnum nálægt Tryggvagötunni.

Mennirnir, sem báðir eru ættaðir frá Perú, voru handteknir á laugardagsmorgninum. Annar var að ljúka störfum þegar lögreglan handtók hann.

Stúlkan kærði atburðinn á sunnudagsmorguninn en leigubílstjóri hlúði að henni þangað til lögreglan kom á vettvang. Málsatvik eru ekki ljós.

Mennirnir hafa verið úrskurðaðir í gæsluvarðhald.