Hayden splæsti á stefnumóti

Hin nítján ára fegurðardís Hayden Panettiere er nú farin með samband sitt við hinn breska sjónvarpsmann Steven Jones á næsta stig, ef marka má erlenda slúðurmiðla.

Hann fór út að borða ásamt Hayden og vinum hennar rétt fyrir síðustu helgi á hinu flotta veitingahúsi Firefly í Los Angeles. Mun Steve hafa flogið alla leið frá London til að eiga með henni indæla kvöldstund. Fylgdi sögunn að Hayden greiddi reikninginn, sem hljóðaði upp á rúmar 34 þúsnd krónur.

Steve er talsvert eldri en Heroes stjarnan Hayden, en hann er 32 ára gamall. Þau þóttu vinaleg hvort við annað í Cannes hátíðinni í maí, en margir héldu að eftir það hefði samband þeirra fjarað út. Svo virðist hins vegar ekki vera.