Clooney bestur

Nýjasta mynd George Clooney, Up in the Air, var kjörin besta kvikmyndin af hinum virtu bandarísku samtökunum National Board of Review. Litið er á verðlaunin sem þau fyrstu stóru af þeirri verðlaunabylgju sem er fram undan. Þau þykja gefa góða vísbendingu um það sem koma skal því síðustu tvær myndir sem hafa verið valdar bestar af samtökunum, No Country for Old Men og Slumdog Millionaire, voru báðar kjörnar bestu myndirnar á Óskarsverðlaununum.

Clooney var einnig kjörinn besti leikarinn en í myndinni, sem Jason Reitman leikstýrir, leikur hann mann sem vinnur við það að reka fólk. Morgan Freeman var sömuleiðis valinn besti leikarinn fyrir hlutverk sitt í Invictus undir leikstjórn Clints Eastwood, var einnig verðlaunaður sem besti leikstjórinn. Invictus fjallar um stuðning Nelsons Mandela, fyrrverandi forseta Suður-Afríku, við ruðningslið landsins.