Styrkir Samfylkingarinnar birtir „innan skamms“

15. maí 2009 14:11

Samfylkingin mun fljótlega birta upplýsingar um fjárstyrki til aðildarfélaga og fulltrúaráða flokksins vegna ársins 2006. Endurskoðandi flokksins mun taka saman skýrslu sem gerð verður opinber innan skamms. Þetta segir Magnús Norðdahl, gjaldkeri Samfylkingarinnar.

Vegna umræðu um risastyrki FL-Group og Landsbankans til Sjálfstæðisflokksins birtu Samfylkingin, Framsóknarflokkurinn og Sjálfstæðisflokkurinn yfirlit yfir fjárstyrki til landsflokkanna fyrir árið 2006. Jafnframt var upplýst að Vinstri grænir þáðu einn styrk umfram 500 þúsund krónur. Í framhaldinu ákvað Samfylkingin að kalla eftir upplýsingum um fjárstyrki til aðildarfélaga og fulltrúaráða flokksins vegna ársins 2006.

Í frétt Vísis frá 6. maí kom fram að Samfylkingin væri eini stjórnmálaflokkur landsins sem ætlaði að birta upplýsingar um fjárstyrki til aðildarfélaga og fulltrúaráða flokksins vegna ársins 2006. Aðrir flokkar höfðu ekki tekið ákvörðun um það hvort að upplýsingunum yrði safnað saman og þær birtar opinberlega.

Árið 2006 fóru fram sveitarstjórnarkosningar.

Tengdar fréttir

Bankarnir þrír styrktu Framsóknarflokkinn

Glitnir, Landsbankinn og Kaupþing styrktu Framsóknarflokkinn um samtals 8,5 milljón króna á árinu 2006.Fjárstyrkur Kaupþings var 4 milljónir. Hæsti styrkurinn kom hins vegar frá verktakafyrirtækinu Eykt sem styrkti flokkinn um 5 milljónir.

12. apríl 2009 17:10

Einungis Samfylkingin hefur ákveðið að upplýsa um alla styrki

Samfylkingin er eini stjórnmálaflokkur landsins sem hyggst enn sem komið er birta upplýsingar um fjárstyrki til aðildarfélaga og fulltrúaráða flokksins vegna ársins 2006. Aðrir flokkar hafa ekki tekið ákvörðun um það hvort að upplýsingunum verði safnað saman og þær birtar opinberlega. Árið 2006 fóru fram sveitarstjórnarkosningar.

6. maí 2009 10:22

VG með allt uppi á borði

Drífa Snædal, framkvæmdastýra Vinstri Grænna, segir að flokkurinn hafi ávallt haft bókhald sitt opið. Hægt sé að nálgast endurskoðaða reikninga flokksins á heimasíðu hans aftur til ársins 2003. Reikningar flokksins hafi verið birtir frá því löngu áður en lög um að flokkarnir opni bókhald sitt tóku gildi árið 2007. Upplýst hafi verið um öll framlög umfram hálfa milljón króna.

8. apríl 2009 12:09

Sjálfstæðismenn opna bókhald: 81 milljón frá níu fyrirtækjum

Sjálfstæðismenn birtu í dag á heimasíðu sinni lista yfir þau fyrirtæki sem styrktu flokkinn um meira en eina milljón á árinu 2006. Um er að ræða níu fyrirtæki sem greiddu samtals rétt tæpa 81 milljón í styrki.

10. apríl 2009 09:08