Rooney sest að samningaborðinu

Framherjinn Wayne Rooney býst við því að setjast að samningaborðinu með Man. Utd einhvern tímann á næstu mánuðum.

Rooney hefur farið á kostum í upphafi tímabils og er nú talinn á meðal bestu leikmanna heims.

Bæði Barcelona og Real Madrid hafa verið orðuð við leikmanninn í fjölmiðlum en Rooney hlær að slíku.

„Það er alltaf gaman að láta taka eftir sér en eins og ég hef oft sagt áður þá er ég afar hmingjusamur hérna. Ég sé ekki fyrir mér að ég fari héðan nema ég verði beðinn um að fara," sagði Rooney.

„Það eru tvö ár eftir af núverandi samningi og ég er viss um að við klárum nýjan samning á næstu mánuðum. Ég elska þennan stað. Hann er 30 mínútum frá heimili mínu og svo á ég frábæra möguleika á að vinna titla hérna."