Segja 100 uppreisnarmenn hafa fallið

Jemenskir hermenn réðust gegn herskáum sjía múslimum í norðanverðu landinu í dag og reyndu að ná bænum Harf Sufyan aftur á sitt vald. Fullyrt er að þeir hafi fellt yfir hundrað bardagamenn, þar á meðal tvo leiðtoga úr þeirra röðum.

Aðgerðir hersins hafa staðið í tvær vikur, en meðal annars hefur loftárásum, stórskotaliði og skriðdrekum verið beitt í viðleitni stjórnvalda til að brjóta uppreisnarmenn á bak aftur.

Uppreisnarmennirnir vísa því á bug að leiðtogar sínir hafi fallið í árásinni og saka hermennina um að drepa óbreytta borgara. Enginn óháður aðili hefur gefið út tölu látinna, en yfirvöld fullyrða að þeir hafi fellt hundrað herskárra og náð bænum á sitt vald.

Uppreisnarmennirnir vilja að norðurhluti Jemen lúti valdi sjía, en svæðið er að mestu byggt súnnítum. Forseti Jemen hefur sakað uppreisnarmennina um tilraunir til að steypa ríkisstjórninni af stóli.