Lögreglan lýsir eftir Emilíönu

Lögreglan á Akureyri lýsir eftir Emilíönu Andrésardóttur. Ekkert hefur spurst til hennar frá því klukkan átta í gærkvöldi.

Emilíana er fædd árið 1996. Hún er dökkhærð og að því talið er með hárið spennt upp. Síðast þegar vitað var, var hún klædd í fjólubláar buxur, græna rennda hettupeysu, í svarta skó með bleikum reimum og bleikum röndum og með hvíta hliðartösku með bleikum hliðum.

Þeir sem geta gefið upplýsingar um ferðir Emilíönu eða vita hvar hún er stödd eru beðnir um að hafa samband við lögregluna á Akureyri í síma 464-7705.