Craig Gordon, markvörður Sunderland og skoska landsliðsins, er afar ósáttur við Jermain Defoe, framherja Tottenham.
Defoe fór mjög óvarlega í Gordon er lið þeirra mættust á dögunum og fyrir vikið handleggsbrotnaði markvörðurinn.
„Mér fannst þetta vera glórulaus leikur hjá Defoe og ég er enn á þeirri skoðun eftir að hafa séð atvikið í sjónvarpinu," sagði Gordon reiður.
„Það er vissulega alltaf hættulegt að kasta sér fyrir fætur framherja en Jermain hefði vel getað gert sitt til að afstýra þessu slysi."
