Eigið fé 110 milljarðar 2007

Eigið fé íslenskra sjávarútvegsfyrirtækja í árslok 2007 var 110 milljarðar, eða 25,3 prósent. Þetta kemur fram í ritinu Hagur fiskveiða og fiskvinnslu árið 2007 sem Hagstofa Íslands hefur gefið út. Niðurstöður efnahagsreiknings sýna að heildareignir sjávarútvegsins voru 435 milljarðar króna en heildarskuldir 325 milljarðar.

Afkoma sjávarútvegsins á árinu 2007 var almennt viðunandi þrátt fyrir erfið ytri skilyrði. Tekjur fiskveiða námu 85,4 milljörðum króna og heildargjöld námu 67,1 milljarði króna. Tekjur fiskvinnslu námu 94,3 milljörðum króna og rekstrarkostnaður nam 87,7 milljörðum króna. - shá