Björn: Samfylkingarráðherrar töfðu fyrir frumvarpi um sérstakan saksóknara

„Bloggkenndar spurningar Sigmars ristu of grunnt," segir Björn Bjarnason ,þingmaður Sjálfstæðisflokksins, á vef sínum um viðtal Sigmars Gumðundssonar Kastljóssmanns við Davíð Oddsson seðlabankastjóra. „Hafi þetta átt að vera einvígi, lá Sigmar í valnum," segir Björn jafnframt.

„Davíð greindi þó frá svo mörgu, sem snerti aðdraganda og afleiðingar bankahrunsins, að þyrfti marga þætti í sjónvarpi til að rekja þá þræði alla til enda. Davíð sagði einnig réttilega, að ekki væri unnt að fella dóma yfir sér, seðlabankanum né nokkrum öðrum, fyrr enn niðurstöður rannsókna lægju fyrir," segir Björn.

Björn segir jafnframt að nokkrum dögum eftir bankahrunið hafi hann lagt til að stofnað yrði embætti sérstaks saksóknara til að rannsaka efnahagsbrot í tengslum við það. Ráðherrar Samfylkingarinnar hafi tafið framlagningu frumvarps hans um embætið.