Færðu Krabbameinsfélaginu styrk til kynningarstarfs

Ágústa G. Sigfúsdóttir og Auður Andrésdóttir frá Zontaklúbbi Reykjavíkur færðu Krabbameinsfélagi Íslands nýverið 300 þúsund krónur að gjöf úr Margrétarsjóði félagsins.

Styrkurinn er framlag til eflingar kynningarstarfs um krabbameinsleit fyrir konur af erlendum uppruna, meðal annars með útgáfu fræðslubæklings og fræðsluefnis á heimasíðu Krabbameinsfélagsins.

Guðrún Agnarsdóttir, forstjóri Krabbameinsfélags Íslands, tók við gjöfinni fyrir hönd félagsins. Hún segir þýðingarstarf þegar hafið og að vonandi verði hægt að gefa út bækling og fræðsluefni á netinu á nokkrum tungumálum fyrir erlendar konur sem hér eru búsettar.