Dularfullt lestarfélag býður almenningi að leggja teina

Fyrsta lestafélag Íslands er orðið að veruleika en það ber nafnið Icelandtrain, eða Íslandslest. Á heimasíðu þess kemur fram að stofnun félagsins sé stórt skref í átt að betri samgöngum á suðvestuhorni.

Ekki er mikið vitað um fyrirtækið en samkvæmt heimasíðu þess er um að ræða fyrsta lestarfyrirtækið á Íslandi.

Þar kemur ennfremur fram að fyrirtækið sé opinbert og markmið fyrirtækisins sé meðal annars að halda utan um rekstur og viðhald lestakerfisins.

Ef farið er inn á heimasíðuna er hægt að skrá sig inn á reikning og fyrir vikið getur maður lagt einn lestartein á dag. Teinninn er rauður og er ætlunin að leggja teinana til höfuðborgarsvæðisins.

Hægt er að leggja lestarteina á heimasíðu þess, icelandtrain.com.