Leita að neyðarsendi í Reykjavík

Stjórnstöð og þyrla Landhelgisgæslunnar hafa frá í morgun reynt að staðsetja neyðarsendi sem hóf að senda merki upp úr klukkan ellefu í morgun en flugvélar í yfirflugi tilkynntu merkin til Flugstjórnarmiðstöðvarinnar í Reykjavík.

Svo virðist sem neyðarsendir hafi verið settur í gang innanbæjar í Reykjavík og því er erfitt að finna nákvæma staðsetningu hans en nauðsynlegt er að gera ráðstafanir til hægt sé að slökkva á honum því merki hans trufla almennt flug.

Þyrla Landhelgisgæslunnar ásamt stjórnstöð vinna nú að því að finna staðsetninguna og útskýrir það flug þyrlunnar yfir borginni.