Fjölskyldufyrirtækið Nýja Kaupþing

Svo virðist vera sem fjölskylda Bjarna Jónssonar útvegsbónda úr Strandasýslu hafi náð töglum og höldum á Nýja Kaupþingi.

Í það minnsta eru tvö barnabörn hans komin í miklar ábyrgðarstöður í bankanum. Eins og Vísir greindi frá í dag var Erna Bjarnadóttir kjörin stjórnarformaður bankans í dag. Erna og Ásgeir Jónsson hagfræðingur eru systkinabörn en Ásgeir, sem er sonur Jóns Bjarnasonar sjávarútvegs- og landbúnaðarráðherra, hefur verið forstöðumaður Greiningadeildar Kaupþings um árabil.

Húsakynni Kaupþings í Borgartúni eru með glæsilegasta móti og því aldrei að vita nema þau frændsystkinin eigi eftir að halda ættarmót þar þegar fram líða stundir.