Júlíus Vífill íhugar þingframboð

Júlíus Vífill Ingvarsson borgarfulltrúi íhugar framboð til Alþingis. Samkvæmt heimildum fréttastofu mun Júlíus ætla að bjóða sig fram í Reykjavík, en Júlíus var kjörinn borgarfulltrúi árið 2006. Hann var jafnframt borgarfulltrúi á árunum 1998-2002. Júlíus er menntaður lögfræðingur og óperusöngvari.

Stjórn Fulltrúaráðs Sjálfstæðisflokksins í Reykjavíkur vill að prófkjör verði haldið til þess að velja á framboðslista flokksins fyrir næstu kosningar. Endanleg ákvörðun um prófkjör, og þá um tímasetningu þess, verður tekin á aðalfundi Fulltrúaráðsins á laugardaginn.