Norskt varðskip til taks við Sandgerði

Tvísýnt er talið hvort að takist að ná togaranum Sóleyju Sigurjóns af strandstað í innsiglinginnu í Sangerði á háflóðinu síðdegis í dag. Norska varðskipið Harstad er á leið á staðinn og verður til taks ef á þarf að halda.

Varðskipið Týr var kallað á staðinn og kom að strandstað klukkan rúmlega hálf sjö í morgun. Skipið sat fast og hallaði mikið eða 35 gráður á stjórnborða. Björgunarskip Slysavarnarfélagsins Landsbjargar, Hannes Þ. Hafstein, var einnig kallað á staðinn. Fimm manns skipinu voru ferjaðir í land úr skipinu. Skipið er talið óskemmt og mönnum ekki talin hætta búin.

Beðið er til flóðs klukkan hálf fimm með að draga skipið en aðstæður á strandstað eru þröngar, að fram kemur á vef Landhelgisgæslunnar. Hægviðri er á staðnum og lítil alda. Sama veðurspá er fyrir daginn í dag.