Mikel klár í slaginn fyrir helgina

John Obi Mikel, leikmaður Chelsea, er orðinn heill heilsu og getur því spilað með Chelsea gegn Manchester United í stórleik helgarinnar í ensku úrvalsdeildinni.

Mikel hefur misst af síðustu þremur leikjum Chelsea vegna ökklameiðsla en vonast til að spila bæði með félagsliði sínu á landsliði á næstunni.

„Ég get vonandi byrjað að spila aftur um helgina," sagði hann í samtali við The Sun. „Ég hlakka líka til verkefnanna sem eru framundan með landsliði Nígeríu."

„Það væri mjög mikilvægt fyrir okkur að vinna á sunnudaginn. Við þurfum að leggja mikið á okkur og vona að úrslit leiksins verði okkur hagstæð."