ESB-tillagan ekki kúvending

Formaður Sjálfstæðisflokksins segir að þingsályktunartillaga Framsóknarflokks og Sjálfstæðisflokks sé ekki í kúvending frá fyrri afstöðu flokksins í Evrópumálum.

„Nú er það þannig að Sjálfstæðisflokkurinn er ekki í meirihlutasamstarfi í þinginu. Það er engin kúvending í því að fara fram á að undirbúningur að þessari ákvörðun verði rækilegur og til hans vandað," sagði Bjarni Benediktsson í samtali við fréttastofu.

Þingsályktunartillagan segir að fela eigi utanríkismálanefnd Alþingis að undirbúa mögulega umsókn um aðild að Evrópusambandinu. Hún eigi að setja saman greinargerð um mikilvægustu hagsmuni Íslands í aðildarviðræðum og skuli ljúka störfum fyrir ágústlok.

Spurður hvort hann vilji að Ísland sæki um aðild að Evrópusambandinu sagði formaðurinn: „Ég vil ekki útiloka að við gerum það."

Hægt er horfa á viðtalið við Bjarna hér.