Obama skipar nýjan sendiherra á Íslandi

Barack Obama Bandaríkjaforseti hefur skipað Robert S. Connan í embætti sendiherra á Íslandi. Connan mun taka við af Carol van Voorst sem gegnt hefur stöðunni síðustu ár. Obama tilkynnti í gær um skipanir sendiherra í fjölmörgum ríkjum, þar á meðal í Bretlandi, Frakklandi, Indlandi og í Japan.

Robert S. Connan hefur undanfarið farið fyrir viðskiptamálum hjá sendinefnd Bandaríkjanna hjá Evrópusambandinu og áður starfaði hann víða um heim á vegum viðskiptaráðs Bandaríkjanna. Hann er einnig mikilvirkur áhugaljósmyndari og hér má sjá ljósmyndir sem hann hefur tekið á ferðum sínum um heiminn.