Krefjast félagsfundar í VR

250 félagsmenn í VR munu í dag afhenda formanni félagsins beiðni um að haldinn verði félagsfundur. Þetta mun vera í fyrsta sinn í sögunni sem þessu er beitt en samkvæmt lögum félagsins er hægt að krefjast þess að félagsfundur verð haldinn með því að eigi færri en 200 félagsmenn skrifa undir slíka beiðni. Kristni Erni Jóhannessyni, formanni VR, verður afhentur listinn í hádeginu í dag.

Félagsmennirnir fara fram á það við stjórn félagsins að þeir verði upplýstir um stöðu eftirfarandi mála:

1. Stöðu kjarasamninga.
2. Hver sé stefna VR með frestun á kjarasamningum?
3. Ætlar hin nýja stjórn VR að vera pólitísk eða vera áfram hlutlaust?
4. Hver er stefna hinnar nýju stjórnar um samvinnu ASÍ. Eiga þeir að vera áframmálsvarar aðildarfélagana út á við? Eða ætlar stjórn VR að taka þetta sjálft að sér?
5. Hver er jafnréttisstefna hinnar nýju stjórnar VR sem þeir eiga að framfylgja skv. 22 gr. laga VR? Nú eru félagsmenn VR 40% karlar og 60% kvenna. Þetta skilar sér ekki í stjórn og trúnaðarráð VR.
6. Efnahagsmálin.