Bítlarnir eru heitt viðfangsefni í kvikmyndir þessa dagana. Í seinustu viku var tilkynnt að Robert Zemeckis ætlar sér að gera endurgerð af myndinni Yellow Submarine með „motion capture“ tækni.
Í gær kom fram í Variety að nú hyggst David Permut framleiða mynd um umboðsmanninn Brian Epstein.
Epstein uppgötvaði Bítlana á Carvern Club í Liverpool og kom þeim til EMI þar sem þeir gáfu út sína fyrstu plötu. Hann dó úr ofneyslu eiturlyfja 32 ára gamall, 1967.
Hvað Bítlana varðar einblínir myndin á upphafsár hljómsveitarinnar. Permut vonast til að fá afnot af upprunalegri tónlist þeirra í myndina, sem reynist yfirleitt þrautin þyngri. - kbs
