Ölvaður á Akureyri: Stal bíl og keyrði útaf

Bifreið var stolið við Klettaborg á Akureyri um hálf fimm leytið í morgun en þjófurinn komst ekki langt þar sem hann keyrði útaf í grenndinni. Bíllinn er ónýtur eftir útafaksturinn en ökumaðurinn skarst örlítið við verknaðinn og þurfti að sauma nokkur spor í hann. Hann er grunaður um ölvun við akstur og sefur nú úr sér á lögreglustöðinni á Akureyri.

Annars var frekar rólegt fyrir norðan í nótt en tveir voru teknir grunaður um akstur undir áhrifum fíkniefna í morgunsárið.

Það sama er að segja af helstu lögregluembættum landsins en einn var tekinn grunaður um ölvun við akstur á suðurnesjum í nótt. Þá gista sex fangageymslur lögreglunnar á höfuðborgarsvæðinu.