Glæsimark Beckham dugði ekki gegn Barcelona

LA Galaxy og Barcelona mættust í æfingarleik í nótt þar sem Meistaradeildarmeistararnir fóru með 1-2 sigur af hólmi fyrir framan rúmlega 93 þúsund áhorfendur á Rose Bowl leikvanginum.

David Beckham skoraði eitt af aukaspyrnumörkum sínum sem hann er hve best þekktur fyrir en mörk frá Pedro Rodriguez og Jeffren Suarez sáu til þess að Barcelona vann leikinn sem segir 1-2.

Eiður Smári Guðjohnsen spilaði seinni hálfelikinn fyrir Barcelona.

Beckham hefur átt erfitt uppdráttar undanfarið vegna þess að stuðningsmenn LA Galaxy hafa látið í ljós óánægju sína með að leikmaðurinn hafi ákveðið að fara á lánssamningi til AC Milan og misst af leikjum með LA Galaxy í kjölfarið.

Stórstjarnan er því búinn að þurfa að þola hvernig baulað er á hann í hverjum leik og þessi leikur var engin undantekning með það. Baulið kom hins fyrst og fremst frá stuðningsmönnum Barcelona enda Beckham fyrrum leikmaður erkifjendanna í Real Madrid.

Beckham var þó kátur í leikslok enda vanur öðru eins.

„Um leið og ég tók aukaspyrnuna vissi ég að boltinn myndi enda í netinu. Þetta var annars sérstök stund að mæta Barcelona og allir hjá LA Galaxy geta verið stoltir af leiknum," segir Beckham.