Ófært um Öxarfjarðarheiði

Víða á norðausturlandi eru hálkublettir. Hálka er um Hálsa og við Þórshöfn. Ófært er um Öxarfjarðarheiði, að fram kemur í tilkynningu frá Vegagerðinni.

Á Vestfjörðum eru hálkublettir á Steingrímsfjarðarheiði, Arnkötludal, Hálsunum, Klettshálsi og á Hálfdán. Á Gemlufallsheiði er óveður og snjóþekja. Ófært er á Hrafnseyrarheiði og þungfært er um Dynjandisheiði þar sem einnig er óveður.

Krapi og éljagangur á Öxnadalsheiði og í Öxnadal. Þungfært er um Lágheiði.

Á Austurlandi er ófært um Hellisheiði eystri, Breiðdalsheiði og Öxi. Hálkublettir eru víða. Snjóþekja og skafrenningur er í Oddskarði og þæfingsfærð og óveður á Fjarðarheiði.