Ákærður fyrir fíkniefnabrot í Mosfellsdal

Mál gegn 31 árs karlmanni verður þingfest fyrir héraðsdómi Reykjavíkur í dag. Maðurinn er ákærður fyrir fíkniefnalagabrot sem áttu sér stað í júlí 2008.

Bifreið mannsins var stöðvuð á Þingvallarvegi norðan við Mosfellsdal og fundust 3,32 g af amfetamíni og 3,16 g af marihuana við leit í bifreiðinni. Þá er maðurinn einnig ákærður fyrir að hafa haft í fórum sínum 13,37 g af amfetamíni hann henti frá sér við handtöku skammt frá bifreiðinni.

Daginn eftir fannst hálft gramm af maríhúana við leit á manninum í Hafnarstræti.

Ákæruvaldið fer fram á að ákærði verði dæmdur til refsingar og til greiðslu sakarkostnaðar. Jafnframt að gerð verði upptæk fíkniefnin sem hald var lagt á