George Michael handtekinn

Poppsöngvarinn George Michael var handtekinn í morgun eftir að bifreið hans lenti í árekstri við vörubíl í Berkshire á Bretlandi í morgun. Vitni að árekstrinum töldu söngvarann látinn í fyrstu þar sem hann lá hreyfingarlaus í um tíu mínútur eftir óhappið.

Michael hafði nýverið fengið ökuleyfi aftur eftir að hafa misst það í tvö ár vegna ölvunaraksturs.

Söngvarinn var grunaður um akstur undir áhrifum áfengis, jafnvel fíkniefna en var sleppt að yfirheyrslu lokinni. Ökumaður vörubílsins sagði söngvarann hins vegar hafa verið í annarlegu ástandi.