FME getur tafið vinnu sérstaks saksóknara

Tafir geta orðið á rannsóknum sérstaks saksóknara bankahrunsins, þar sem Fjármálaeftirlitið getur borið fyrir sig bankaleynd. Breytingar á lögum um saksóknarann eru langt komnar.

Ólafur Þór Hauksson, sérstakur saksóknari bankahrunsins, segir að vinna við að kanna einstök mál sé hafin hjá embættinu. Þetta sé ekki langt komið. Hins vegar sé það svo, að erfitt geti verið að fá gögn frá fjármálaeftirlitnu, vegna bankaleyndar; mál þaðan verði, við svo búið ekki rannsökuð nema með kæru hjá fjármálaeftitinu.

Nú stendur til að breyta lögum um sérstaka saksóknarann. Eftir því sem næst verður komist er efni frumvarpsins í grundvallaratriðum að séstaki saksóknarinn geti fengið gögn, til að mynda frá fjármálaeftirlitinu, án tillits til bankaleyndar. Frumvarpið hefur verið afgreitt úr þingflokkum stjórnarflokkanna, og er búist við því að það verði lagt fram á Alþingi fljótlega.