Heiðra Alice in Chains

Í tilefni þess að rokksveitin Alice in Chains gefur út nýja plötu á morgun eftir langt hlé verða haldnir tónleikar til heiðurs sveitinni á Sódómu á fimmtudaginn.

Tónleikarnir skiptast í tvo hluta. Í fyrri hlutanum verða lög Alice in Chains leikin á órafmögnuð hljóðfæri en síðan verður allt gefið í botn. Jens Ólafsson og Kristófer Jensson verða saman á sviðinu og skipta með sér sönglínum.

Blaðamaður­inn Arnar Eggert Thoroddsen mun jafnframt fara stuttlega yfir sögu sveitarinnar. Tónleikarnir hefjast kl. 22.30 og er miðaverð 1.000 krónur. Miðar verða seldir við inngang.