Kynna framboð sumarnámskeiða við HÍ

Ákvörðun um fjölda og framkvæmd sumarnámskeiða við Háskóla Íslands verður kynnt síðar í dag. Hagsmunafélög stúdenta kröfðust að boði yrði upp á sumarannir svo nemar í fullu námi og á námslánum gætu iðkað nám sitt í stað þess að fara út á dauflegan atvinnumarkaðinn.

Í síðustu viku tilkynnti Katrín Jakobsdóttir, menntamálaráðherra, að eigið fé Lánasjóðs íslenskra námsmanna verði aukið um 650 milljónir vegna fjölda umsókna um sumarlán. Einnig að háskólar landsins fengju samanlagt á bilinu 50 og 100 milljónir króna til að standa straum að kostnaði við sumarnámskeið við skólana.

Undanfarna daga hefur Háskóli Íslands skilgreint hvaða námskeið og próf skólinn getur boðið upp á í sumar. Kristín Ingólfsdóttir, rektor skólans, mun ásamt Katrínu Jakobsdóttur og Hildi Björnsdóttur, formanni Stúdentaráðs Háskóla Íslands, kynna ákvörðun um framboð sumarnámskeiða við skólann á fundi með blaðamönnum í dag.