Formaður VR með 800 þúsund á mánuði

Kristinn Örn Jóhannesson er með átta hundruð þúsund krónur á mánuði sem formaður VR samkvæmt tilkynningu sem birt er á vefsvæði félagsins í dag. Þar kemur fram að heildarkjör hans er 35% lægri en forvera hans Gunnars Páls Pálssonar.

Í tilkynningunni kemur fram að launin séu með innbyggðu þaki sem gerir það að verkum að ef Kristinn þiggur önnur laun í krafti embættis síns þá koma þau til frádráttar þeim launum sem hann þiggur hjá VR. Jafnframt mun Kristinn ekki njóta bílahlunninda, en getur fengið greitt kílómetragjald fyrir akstur í þágu félagsins á eigin bifreið.