Dæmdar 21 milljón króna í bætur vegna bílslyss

Héraðsdómur Reykjavíkur dæmdi Tryggingamiðstöðina, Hópbíla hf og Lýsingu til að greiða karlmanni tæpa 21 milljóna króna bætur með vöxtum vegna umferðarslyss sem hann lenti í árið 2002. Maðurinn stefndi fyrrnefndum aðilum í desember 2007 og krafðist röskra 54 milljóna.

Slysið varð á gatnamótum Brekkutraðar og Eyrartraðar í Hafnarfirði þegar strætisvagni var ekið inn í hlið bíls hans vinstra megin. Við áreksturinn hlaut maðurinn mar á brjóstkassa, hálstognun og mögulegan heilahristing. Síðar kom í ljós að maðurinn hafði hlotið varanlegan taugaskaða og var hann úrskurðaður 60% öryrki.