Snjókoma og þrumuveður

Mikla snjókomu gerði á Hellisheiði um miðjan dag í gær með tilheyrandi hálku. Nokkrir bílstjórar lentu í vandræðum í hálkunni.

Þrumuveður fylgdi skýfallinu og eldingum brá fyrir á himni. Rafmagn fór af Hveragerði og Þorlákshöfn í nokkrar mínútur og er talið að það megi rekja til eldinganna.

Einar Sveinbjörnsson veðurfræðingur segir á síðu sinni að eldingarnar hafi verið 15 talsins. Hvellurinn hafi hafist 15.08 og veðrið staðið fram yfir klukkan 16.30. Um 4 til 5 gráðu hiti hafi verið á heiðinni, en frost í skýjunum yfir henni.- kóp