Dæmdur í þriggja mánaða fangelsi fyrir brot gegn valdstjórninni

Karlmaður á fertugsaldri var í dæmdur í þriggja mánaða fangelsi í Héraðsdómi Reykjavíkur í dag fyrir að brot gegn valdstjórninni. Brotin áttu sér stað í júní árið 2008 á skemmtistaðnum Áttunni að Hraunbergi 4 í Reykjavík.

Maðurinn var sakfelldur fyrir að hafa slegið lögreglumann í bringuna eftir að lögreglumaðurinn hafði tekið hann svokölluðu grunntaki lögreglu. Grunntak lögreglu er ef lögreglumaður tekur með hægri hendi í vinstri upphandlegg og þeirri vinstri um úlnlið hægri handar.

Lögreglu hafði verið tilkynnt um slagsmál á skemmti­staðnum Áttunni að Hraunbergi 4 í Reykjavík. Er lögregla kom á staðinn voru slagsmálin yfirstaðin. Var lögreglumönnunum tilkynnt að þeim sem valdið hefði hvað mestum óskunda inni á staðnum hefði verið vísað út. Meðan rætt hafi verið við starfsmenn staðarins hafi ákærði í gengið inn á staðinn og að lögreglu. Lögreglumaðurinn bar svo við fyrir dómi að hann hefði tekið ákærða grunntaki til að vernda aðra gesti skemmtistaðarins þar sem hann taldi hann vera árásarmanninn vísað hafði verið út af staðnum.

Þegar vitni sögðu lögreglumanninum að ákærði væri ekki árásarmaðurinn gerði hún sig líklega til að láta ákærða lausan sem þá hafi slegið hann í bringuna.

Maðurinn hlaut þriggja mánaða óskilorðsbundinn fangelsisdóm. Árið 2008 var ákærði dæmdur í 75 daga fangelsi fyrir umferðarlagabrot. Brot ákærða nú er hegningarauki við þann dóm. Í ljósi sakaferils ákærða var ekki unnt að skilorðsbinda refsinguna.