Sækir um skilnað við Amy Winehouse

Hinn 27 ára gamli eiginmaður Amy Winhehouse, Black Fielder-Civil, hefur sótt um skilnað við söngkonuna óþægu. Ástæðan segir hann vera framhjáhald söngkonunnar. Hann segir óþolandi að búa með stúlkunni, sem er 25 ára að aldri.

Amy staðfesti framhjáhaldið í skilnaðarpappírunum sem nú hafa verið gerðir opinberir. Skötuhjúin hafa ekki búið undir sama þaki síðan í apríl 2008 en þau giftu sig á Miami í maí 2007.

Talið er að Blake muni fá stóran hlut í eignum Amy's gangi skilnaðarmálið honum í hag, þrátt fyrir að hann hafi sjálfur staðið í framhjáhaldi meðan á meðferð hans stóð á síðasta ári. Hann á auk þess von á barni með þeirri konu.

Amy og eiginmaður hennar hafa ekki hist svo mánuðum skiptir, en Amy hefur undanfarið dvalið í lúxusíbúðum í St. Lucia í Karabískahafinu þar sem hún vinnur að sinni þriðju plötu.