Ashlee reið Perez

Söngkonan Ashlee Simpson er reið út í slúðurbloggarann Perez Hilton fyrir slúðurmola sem hann ritaði um hana á bloggsíðu sinni. Samkvæmt fréttinni á Simpson að hafa drukkið sig fulla í veislu sem eiginmaður hennar, tónlistarmaðurinn Pete Wentz, hélt og látið öllum illum látum og á jafnvel að hafa skipað eiginmanninum heim í rúmið.

Ashlee ákvað að snúa vörn í sókn og skrifaði á Tweet-ið sitt eftirfarandi skilaboð; „Það eina sem þú gerir er að spinna upp gróusögur um aðra. Líttu í spegil. Finnst þér þú vera mennskur? Karma er tík. Sagan sem þú sagðir er langt frá sannleikanum.“