Búist við að met falli í Sparaksturskeppni

Talið er að gömul met falli í árlegri Sparaksturskeppni Félagi íslenskra bifreiðaeigenda og Atlantsolíu sem hófst í hádeginu í dag. 22 bílar voru skráðir til leiks en keppt er í sjö flokkum. Keppninni er ætlað vekja athygli á því að hægt sé að draga verulega úr eldsneytisnotkun með réttu aksturslagi.

Eingöngu nýir bílar taka þátt í keppninni og flestir af bestu sparakstursmönnum landsins eru meðal þátttakenda, að fram kemur í tilkynningu frá FÍB. „Því má reikna með að gömul met falli hvert af öðru þegar saman koma góð kunnátta í akstri og það nýjasta og besta í bíl- og véltækni."

Ekið er austur Þingvallaveg, Grafning og Grímsnes og lýkur fyrrihluta keppninnar með tímatöku við bensínstöð Atlantsolíu á Selfossi. Eftir tímatökuna verður ekið rakleitt yfir Ölfusárbrú suður Eyrarbakkaveg og um Þrengsli til Reykjavíkur. Talið er að fyrstu keppnisbílarnir komi í mark klukkan rúmlega tvö. Úrslit mun liggja fyrir klukkan fjögur og þá fer fram verðlaunaafhending og sigurvegari og sparakstursmeistari ársins verður krýndur.