Ódýrt víti tryggði West Ham stig gegn Arsenal

Leikmenn Arsenal missti niður tveggja marka forskot gegn West Ham í dag en eru eflaust enn brjálaðir yfir jöfnunarmarkinu sem kom úr mjög umdeildri vítaspyrnu.

Robin Van Persie og William Gallas komu Arsenal í 0-2 í fyrri hálfleik. Leikmenn West Ham tóku síðan kipp um miðjan síðari hálfleik.

Carlton Cole minnkaði muninn eftir slæm mistök markvarðar Arsenal og Diamanti jafnaði síðan úr vítaspyrnu sem var glórulaus dómur.

Arsenal fékk ótrúlegt færi til þess að vinna undir leikinn en Robert Green átti eina mögnuðustu markvörslu vetrarins og bjargaði stigi fyrir lærisveina Gianfranco Zola.