Doðrantur Halldórs um hrunið

„Þegir Egill Örn hjá Forlaginu stakk uppá því að gefa út aðra bók stakk ég uppá því að bókin yrði 320 blaðsíður. Þetta er því alvöru doðrantur um hrunið," segir skopmyndateiknarinn Halldór Baldursson. Í dag kemur út bókin Skuldadagar þar sem finna má teikningar hans frá árunum 2007 og til dagsins í dag.

Halldór fer eilítið hjá sér þegar hann er spurður hvaða þjóðþekkti einstaklingur komi oftast fyrir í bókinni. Því þegar öllu er á botninn hvolft er það líkast til ritstjóri Morgunblaðsins, vinnustaðar Halldórs, sem þykir sigurstranglegastur. Það er að segja Davíð Oddsson.„Að öllum líkindum stendur baráttan milli Davíðs og Geirs H. Haarde. Ef það hefði ekki verið skipt um ríkisstjórn í miðju hruni þá hefði Geir sennilega rústað þeirri keppni."

Halldór viðurkennir að kreppan hafi reynst vatn á myllu hans. Hann hafi ekki þurft að kafa djúpt eftir efnivið. „Þegar ég blaða í gegnum hina bókina mína, Í grófum dráttum, þá velti ég því fyrir mér hvað þetta voru lítilfjörleg mál. Ég skil bara ekkert í því hvað ég var eiginlega að æsa mig yfir þeim," útskýrir Halldór. Og eins og sönnum þátttakenda í jólabókaflóðinu sæmir heldur Halldór útgáfuteiti þann 1.desember. Og samanburðurinn við bókina frá 2006 kemur enn og aftur uppá yfirborðið.

„Þá fannst bankastjórunum og stjórnmálamönnunum það lítið tiltökumál að mæta fannst það lítið tiltökumál. Nú reynir aðeins meira á þá."

- fgg