Jóhanna að senda VG skilaboð

Gunnar Helgi Kristinsson, prófessor í stjórnmálafræði, telur að með Jóhanna Sigurðardóttir, forsætisráðherra, sé að senda VG skilaboð um nú komið sé að ögurstund í stjórnarsamstarfinu. Fallist þingmenn flokksins ekki á afgreiðslu Icesave málsins geti verið að ríkisstjórnarsamstarfið lifi það ekki af.

Jóhanna óskaði á mánudag eftir mati Seðlabankans annars vegar og efnahags- og viðskiptaráðuneytisins hins vegar á því hvaða afleiðingar það hefði ef enn frekari dráttur yrði á endurskoðun Alþjóðagjaldeyrissjóðsins á efnahagsáætlun Íslands og niðurstöðu í Icesave deilunni. Niðurstaða bankans og ráðuneytisins er að enn meira hrun verði í efnahagsmálum Íslendinga náist ekki niðurstaða í Icesave deilunni og ef Alþjóðagjaldeyrissjóðurinn ljúki ekki endurskoðun sinni á efnahagsáætlun landsins á næstu dögum.

Rætt var við Gunnar Helga í hádegisfréttum Ríkisútvarpsins. Þar sagði hann það vekja athygli að forsætisráðuneytið hafi sent út tilkynningu þar sem þetta komi fram ásamt skýrslum Seðlabankans og ráðuneytisins að Seðlabankastjóra forspurðum. Einnig veki athygli að Steingrímur J. Sigfússon, fjármálaráðherra, hafi ekki verið hafður með í ráðum.