Einstæðir geta líka ættleitt

Einstæðir munu nú eiga kost á að sækja um ættleiðingu á barni frá Nepal. Erfitt hefur verið fyrir aðra en hjón að ættleiða börn og er því ákveðnum áfanga náð.

Nýja löggildingin til ættleiðinga á börnum frá Nepal var gefin út hinn 13. maí síðastliðinn. Það er Íslensk ættleiðing sem mun hafa heimild til að annast milligöngu fyrir ættleiðingar frá Nepal. Alls verða tíu umsóknir sendar út í ár. Einnig er hægt að sækja um ættleiðingu á börnum frá Kína, Kólumbíu, Indlandi, Tékklandi, Makedóníu og Taílandi hjá Íslenskri ættleiðingu.- hds