Idol: Lísa hlaut síðasta sætið í úrslitin

Tíu stelpur kepptu um fimm sæti í úrslitum Idolstjörnuleitar í beinni útsendingu á Stöð 2 í kvöld. Keppnin var æsispennandi og hélt dómnefndin keppendum við efnið með hárbeittum, gagnrýnum athugasemdum. Fimm stelpur duttu út og fimm stelpur fóru áfram.

Fjórar af stelpunum voru kosnar áfram í símakosningu en dómnefnd kom sér saman um eina þeirra.

Dómnefndin var ekki á einu máli hver ætti að fara áfram en eftir miklar rökræður varð niðurstaðan sú að hún Lísa færi áfram en hún söng lagið Allt sem ég sé með Írafár.Hinar fjórar sem fóru áfram eru Hrafna, Ólöf, Anna Hlín og Sylvía.

Næsta föstudag verða það tíu strákar sem keppa um fimm sæti í beinni útsendingu.

Von er á myndum og umfjöllun um keppnina inn á Vísi á morgun.

Hægt er að sjá allt um Idolið á Idol-vef Vísis hér.