Hvolsvallarræðan: Það er enginn fólksflótti

Um 100 manns voru mættir á flokkráðsfund Vinstri grænna á Hvolsvelli síðdegis í dag. Fjármálaráðherrann Steingrímur J. Sigfússon, flutti ræður rétt fyrir kvöldmat þar sem hann sagði framtíðina og uppbyggingu Íslands mikilvægasta. Þá gerði hann sérstaklega að umtalsefni fregnir fjölmiðla af óorðnum fólksflótta á sama tíma og barneignir hafa aldrei verið fleiri hér á landi.

Dagurinn hefur verið heldur dramatískur hjá Steingrími í dag en eins og kunnugt er var hið gríðarlega umdeilda frumvarp um ríkisábyrgð handa Icesave samþykkt á þingi í morgun.

Flokkráðsfundurinn heldur áfram í kvöld með stjórnmálaumræðum og svo verður fundinum slitið um hádegisbil á morgun. Samkvæmt dagskránni munu flokksmenn þá halda til Þórsmerkur þar sem þreyttir ráðherrar og flokksmenn geta hvílt lúin bein.